Métodos experimentais e xiro colaborativo: a etnografía itinerante nunha sociedade (in)mobilizada

Résumé

Neste artigo analízanse algunhas transformacións contemporáneas do método etnográfico. Máis concretamente, abórdanse os métodos etnográficos experimentais, que alimentan a imaxinación etnográfica en contextos cambiantes. En perspectiva crítica e reflexionando ao redor da produción situada de coñecemento no traballo de campo, preséntase o paradigma da colaboración como un signo característico das etnografías experimentais. Finalmente, a través da análise de casos de campo concretos e da revisión dun conxunto de aproximacións teóricas e metodolóxicas diversas, proponse a etnografía itinerante como unha forma de experimentación espazo-temporal no terreo. O desprazamento físico que propón a etnografía itinerante, e a súa relación coa (in)mobilidade, permítenos reflexionar sobre a transformación ética e política dos métodos etnográficos experimentais en movemento.